“Бунёдкор”нинг Минскдаги машғулотлари бошланди, Фарруҳ Икромов машғулотларга қайтди

Виктор Карпенко мураббийлигидаги жамоа тушдан сўнг Минск шаҳридаги илк машғулотини ўтказди. Беларус футбол федерациясига қарашли майдонда ўтказилган машғулотда футболчиларга оғир юкламалар берилмади. Ўйинчилар асосан тўп билан шуғулланишди. 

Жамоа мухлисларини хурсанд қиладиган янгилик шуки, жиддий жароҳат сабаб деярли бир йилни майдондан ташқарида ўтказаётган Фаррух Икромов бугун умумий гуруҳда машғулотларни бошлади, аммо енгил жароҳати бор Суҳроб Иззатов якка тартибда югуриш билан чекланди.