«Бунёдкор»да энди киберфутболчилар ҳам бор
07 сен 2016 11:12
Новости

«Бунёдкор»да энди киберфутболчилар ҳам бор

«Бунёдкор» футбол клубида киберфутбол усталарига жамоа футболкаларини топшириш маросими бўлиб ўтди.

ОАВда хабар берилганидек, тез орада мамлакатимизда киберфутбол бўйича йирик мусобақа ўтказиш режалаштирилмоқда. Унда клубимиз вакиллари ҳам ўз омадини синаб кўришади.

Бугун «Бунёдкор» ФК бош директори Бахтиёр Бобоев клуб футболкаларини Муҳаммадамин Турғунбоев (№77 – мусобақаларда Али Бебето ники билан қатнашади) ва Сирожиддин Камолов (№91 – мусобақаларда Cartez-91 ники билан қатнашади)ларга топширди ва уларга омад ёр бўлишини тилади.

- «Бунёдкор» ўзининг ажойиб ғалабалардан иборат анъаналарига эга. Жамоамиз шарафини муносиб ҳимоя қиласиз деган умиддаман. Нафақат ички турнирлар, балки халқаро баҳсларда ҳам юксак натижаларга эришишингизга тилакдошман, - деди Бахтиёр Бобоев.