“Бунёдкор” ёшларидан навбатдаги йирик ғалаба

Учрашувда бир неча янги футболчилар билан ҳаракат қилган ёшларимиз 4:1 ҳисобида ғалаба қозондилар. Ёш “қалдирғочлар” кўригида иштирок этаётганлар орасида Фарҳод Саъдуллаевнинг ҳатти-ҳаракатлари алоҳида ажралиб турди. У бутун ўйин давомида фаол ҳаракат қилиш билан биргаликда рақиб дарвозасини икки бор аниқ нишонга олди. Яна икки голга Зокиржон Нурматов ва Владислав Нуриев муаллифлик қилишди.

Ёшларимиз бунгача Қозоғистоннинг БИИК клубини 7:0, “Олмалиқ” ёшларини 6:0, ёш “темирйўлчилар”ни 5:0, “Қўқон-1912”ни 1:0 ва Жамбулнинг “Тараз” жамоаси ўринбосарларини 4:2 ҳисобида мағлубиятга учратишган эди.

“Бунёдкор” ёшлари келаётган якшанба куни “Тараз” ўринбосарлари билан яна бир бор назорат учрашувида куч синашади.