"Бунёдкор" янги бош мураббий номини эълон қилди
28 мар 2024 17:01
Новости

"Бунёдкор" янги бош мураббий номини эълон қилди

Хабарингиз бор, хорватиялик мутахассис Иван Бубало билан ҳамкорлик тўхтатилгач Анвар Ғофуров вақтинча бош мураббий лавозимида ишлаб келаётган эди.

Деярли икки ҳафта давом этган изланиш ва музокаралардан сўнг тажрибали мутахассис Сергей Арслонов билан келишувга эришилди. Сергей Илясович эртага “Бунёдкор” бош мураббийи сифатида илк учрашувини ўтказади. Умид қиламизки, тажрибали мураббий билан “қалдирғочларимиз”нинг парвози янада баландроқ бўлади!", - деб ёзади "Бунёдкор" матбуот хизмати.

Маълумот учун
СЕРГЕЙ ИЛЯСОВИЧ АРСЛОНОВ
Туғилган санаси: 27.05.1967 йил
Футболчиликдаги амплуаси: ҳимоячи
Тўп тепган жамоалари: “СКА Хабаровск”, “Кубан” (иккаласи Россия), “Вахш”, “Помир” (иккаласи Тожикистон), “Навбаҳор”, “Қизилқум”, “Сурхон”.
Мураббийлик фаолияти: Ўзбекистон U-19 ёшлар терма жамоасида мураббий, “Қизилқум” ва “Динамо” футбол клубларида мураббий ва бош мураббий вазифасини бажарувчи.