“Бунёдкор” тарбияланувчилари бу сафар “СШИ-2”дан устун келишди

Куннинг дастлабки ўйинида “қалдирғочлар”нинг 2003 йилги футболчилари ўз тенгқурлари билан 2:2 ҳисобидаги дурангга имзо чекишди. Улардан бир ёш катталар баҳсида эса меҳмонларнинг қўли баланд келди – 0:1. Қолган беллашувларда майдон эгалари рақибларига ҳеч қандай имконият қолдиришмади. Жумладан, 2001 йилда таваллуд топганлар қарама-қаршилигида “Бунёдкор-А” рақиблари дарвозасини 6 марта ишғол қилган бўлса, ўз постидан 2 та тўп олиб чиқди. 15 ёшлилар қарама-қаршилигида мезбонлар тенгдошларини 2 гол фарқи билан мағлубиятга учратди – 3:1. Охирги беллашувда академия тарбияланувчиларининг энг катта ёш тоифасидаги футболчилари майдонга чиқишди. Бу учрашувда мезбонлар “СШИ-2”дан ҳар томонлама устун эканликларини кўрсатишди. Ҳисобдан ўйин қандай кечганлигини тушуниб олиш қийин эмас – 12:1.

Якшанба куни ўтказилган баҳсларда “қалдирғочлар” 1 та дуранг, 1 мағлубият ва 3 та ғалабага эришишди. Тўплар фарқи эса 23:7.

2003 йил
“Бунёдкор-А”-“СШИ-2” 2:2

2002 йил
“Бунёдкор-А”-“СШИ-2” 0:1

2001 йил
“Бунёдкор-А”-“СШИ-2” 6:2

2000 йил
“Бунёдкор-А”-“СШИ-2” 3:1

1999-98 йиллар
“Бунёдкор-А”-“СШИ-2” 12:1

Томонлар биринчи босқичнинг 5-турида тўқнаш келишган ва ўшанда “СШИ-2” ўз уйидаги беллашувлардан фақатгина 1 та дуранг ишлаб олган холос. Қолган барча учрашувларда бунёдкорчилар зафар қучишган.

Қуйида биринчи босқичдаги ўзаро ўйинларнинг натижалари:

2003 йил
“СШИ-2”-“Бунёдкор-А” 0:2

2002 йил
“СШИ-2”-“Бунёдкор-А” 0:2

2001 йил
“СШИ-2”-“Бунёдкор-А” 0:2

2000 йил
“СШИ-2”-“Бунёдкор-А” 1:1

1999-98 йиллар
“СШИ-2”-“Бунёдкор-А” 0:3