"Бунёдкор" - "Олимпик". Стадион тўладими?

Бир томондан ФИФА президенти Жанни Инфантинонинг ташрифи, иккинчи томондан қизиб бораётган Суперлигада 9-турнинг безагига айланиши кутилаётган "Бунёдкор" - "Олимпик" учрашуви. 

Бунедкор Джасур Ҳакимов - 71'

Суперлига. Тур 9 06/05/2023, 18:30 1 : 1 Завершен

Олимпик Отабек Журакузиев - 5'

45'

90'

43'  Дониёр Абдуманнопов

46'  Расул Юлдашев (Джасур Ҳакимов)

46'  Музаффар Олимжонов (Махмуд Махамаджонов)

71'  Джасур Ҳакимов

71'  Игорь Иванович

72'  Акбар Исматуллаев (Амир Туракулов)

77'  Игорь Иванович (Умидбек Султонов)

79'  Алексей Носко

86'  Дониёр Абдуманнопов (Виктор Сотников)

5'  Отабек Журакузиев

5'  Темур Мамасидиков

31'  Фаррух Мухторов

62'  Фаррух Мухторов (Мухаммадазиз Иброхимов)

62'  Русланбек Жиянов (Алишер Одилов)

65'  Жасур Жалолиддинов (Мухаммадали Гиясов)

78'  Темур Мамасидиков (Ахмадилло Мукумжонов)

78'  Отабек Журакузиев (Мустафо Абдуманнопов)

Открыть в Матч-Центре

Ўзаро ўйинлар 

Жамоалар ўтган мавсумда тарихда илк бор Суперлига доирасида тўқнаш келишди. Биринчи даврада кечган учрашувда айнан "Бунёдкор" стадионида Тимур Кападзе шогирдлари "қалдирғочлар"нинг қанотини қайиришни уддасидан чиққан эди (5:1). Суперлига дебютантидан дастлабки тарсакидан сўнг ўшанда "Бунёдкор" кетма-кет 7та учрашувда ғалаба қозонмаган эди. Иккинчи даврадаги ўйин эса Бошкович бошқарувига тўғри келган ва унда томонлар муроса кўчасини танлаган (1:1). 

Уйда юта олмаётган "Бунёдкор"

"Бунёдкор" бу мавсумни асосан сафарда ўтказмоқда ва меҳмонда керакли натижага эришяпти. Мурод Отажонов "команда"си 7та турдан 5тасини меҳмонда ўтказди ва жами 12 очко жамғарди, 4та ғалаба ва 1 мағлубият, тўплар нисбати 9:3. Уйда эса акси. "Турон" (0:0) ва "Насаф" (1:1) Тошкентдан ортга 1 очко билан қайтишди. Жамоа "Бунёдкор" стадионида сўнгги бор 2022 йил 4-турда "Динамо" билан учрашувда ғалаба қозонган. Бунга ҳам 1 йилдан ошди. Иккинчи даврани эса ОКМК, "Локомотив", "Жар" стадионларида номинал мезбон сифатида рақибларини қабул қилди. 

"Олимпик". Асосий муаммо тепада 

Бу жамоа бамисоли денгиз тўлқинига ўхшайди. Бир текисда йўлида кетаётгани йўқ. Бир ундоқ, бир мундоқ. Тимур Кападзе жамоасида асосий муаммони иккинчи қават билан боғлашимиз мумкин. "Насаф", "Андижон" марказий ҳимоячиларининг жой танлай олиши, позицион тўғри ҳаракат қилиши ҳисобига иккинчи қаватда "Олимпик"ни жазолашга уринишди. Кўрамиз, бугун "Бунёдкор" ҳам рақибининг мазкур хатосидан фойдалана олармикин?

Стадион тўладими?

Агарда ўйинлар қизиқарли, томошабоп бўлса мухлис шундоқ ҳам стадионга тушади. U-20 Осиё кубогида ҳам аввалида бироз тушунмовчилик бўлди-ю, ғалабалар қўлга киритилавергани сари стадион ўз-ўзидан тўлишни бошлади. Терма жамоа, футболчилар ўз ўйинлари, ғалабалари билан одамларни аренага қайтара олишди. Демак Тошкентда мухлис бор. Бугун нима бўлар экан, 18:30 арафасида гувоҳига айланамиз. Барчани "Бунёдкор"га талкиф қилиб қоламиз. Жамоалар ўз ўйинлари билан минглаб инсонларни зериктирмаслигига умид қиламиз. 

Стадионда кўришгунча!