“Бунёдкор” ОЧЛда еттинчи бор иштирок этади
27 ноя 2013 15:06
Новости

“Бунёдкор” ОЧЛда еттинчи бор иштирок этади

Кеча Осиё Футбол Конфедерацияси 2014 йилги Осиё Чемпионлар лигаси учун мамлакатларга ажратилган квоталар сонини эълон қилди.

Ўзбекистон “1+2” йўлланмасига лойиқ кўрилди. Унга кўра, амалдаги чемпион ва кубок соҳиби – Тошкентнинг “Бунёдкор” жамоасини мусобақани гуруҳ босқичидан бошлайдиган бўлди.

“Қалдирғочлар” янги мавсумда қитъамизнинг клублар ўртасидаги энг нуфузли мусобақаси – Чемпионлар лигасида еттинчи бор иштирок этишади. Қайд этиш керакки, кетма-кет еттинчи бор мусобақада иштирок этадиган “Бунёдкор” мунтазам равишда гуруҳ босқичини муваффақиятли босиб ўтаётган ягона жамоадир.

“Бунёдкор” икки бор Миржалол Қосимов бошчилигида мусобақанинг ярим финалига қадар етиб келишган. Бу 2008 ва 2012 йилларга тўғри келади.

Анваржон Солиев ўзининг еттита голи билан жамоамизнинг Чемпионлар лигасидаги энг сермаҳсул тўпурари бўлиб турибди.

“Бунёдкор”нинг ОЧЛда қайд этган кўрсаткичлари


Йил	Ў	Ю	Д	М	Т-Ф	О	Босқич
2008	10	6	2	2	16-8	20	Ярим финал
2009	9	4	2	3	10-14	14	Чорак финал
2010	7	3	1	3	10-10	10	Нимчорак финал
2011	7	2	3	2	9-9	9	Нимчорак финал
2012	11	5	2	4	15-16	17	Ярим финал
2013	8	2	5	1	7-5	11	Нимчорак финал
Жами:	52	22	15	15	67-62	81