“Бунёдкор” ФК фотосессия ўтказди

Босма баннерлар, тақвим, клуб рамзлари туширилган турли хил мосламалар ва шу каби атрибутикалар учун “Бунёдкор” футболчилари янги мавсум олдидан фотосессияда иштирок этишди. Суратга олиш ишлари “Бунёдкор” стадионида барпо этилган махсус студияда ташкил қилинди.

Шунингдек, фотосессия якунида клуб раҳбари, мураббийлар штаби ва футболчилар умумий суратга ҳам тушишди.

Мутахассислар томонидан расмларга ишлов бериш ишлари якунлангач, ишчи стол учун обой шаклидаги суратлар сайтимиз орқали тақдим этилади.