"Бунёдкор": Энг ёш таркибдан энг йирик ғалаба
19 июн 2014 17:48
Новости

"Бунёдкор": Энг ёш таркибдан энг йирик ғалаба

Кеча “Олмалиқ” жамоасига қарши ўтган меҳмонда ҳаракат қилган “Бунёдкор” ишончли тарзда рақибни 4:0 ҳисобида мағлубиятга учратди.

Бош мураббий Сергей Лушан учрашувнинг дастлабки дақиқалардан бошлаб 1996 йилда таваллуд топган мудофаа чизиғи вакили Акрамжон Комиловга ишонч билдирди. Чап қанотда ҳужумкор ҳимоячи сифатида тўп тепган Комилов бутун ўйин давомида ўзидан яхши таассурот қолирди. Шунингдек, иккинчи бўлим ўрталарида яна бир ёш ярим ҳимоячи Достонбек Ҳамдамов майдонга туширилди. 17 ёшли ярим ҳимоячи ҳам ўзининг чиройли ҳаракатлари ва яхши ҳислатлари билан ажралиб турди. Қолаверса, сўнгги ўйинларда олдинги чизиқда тез-тез кўриниш бераётган Темур Аюпов ҳам “Олмалиқ”қа қарши баҳсда тўп тепди. 1990 йилда таваллуд топган япониялик Сато Минори ҳам илк борада асосий таркиб билан тўлиқ ўйинда иштирок этди.

Эътиборлиси, асосан ёшлар ҳисобига “Бунёдкор” ушбу мавсумдаги энг йирик ғалабасини сафарда қўлга киритди. “Бунёдкор” жорий мавсумда ҳозирча рақибларни тўртта тўп фарқи билан ютмаганди.

“Олмалиқ”қа қарши баҳсда “Бунёдкор” жамоасининг ўртача ёши 26,2ни ташкил этди. Бу кўрсаткич бўйича “қалдирғочлар” ушбу мавсумдаги энг ёш кўрсаткичларини қайд этишди. Қуйидаги жадвалда “Бунёдкор”нинг ички мусобақалардаги ўртача ёшлари кўрсатиб ўтилган.

Сана	Мусобақа	“Бунёдкор” ўртача ёши	Рақиб ўртача ёши	Учрашув
15.03.2014	Олий лига	28,1	27,2	“Бунёдкор” – “Қизилқум” 2:1
23.03.2014	Олий лига	28,9	25,3	“Машъал” – “Бунёдкор” 0:2
27.03.2014	Олий лига	27,5	26,1	“Бунёдкор” – “Олмалиқ” 1:1
06.04.2014	Олий лига	28,2	27,5	“Динамо” – “Бунёдкор” 0:2
11.04.2014	Олий лига	28	27,2	“Бунёдкор” – “Локомотив” 1:1
28.04.2014	Олий лига	26,7	27,9	“Бухоро” – “Бунёдкор” 1:1
02.05.2014	Олий лига	26,8	26,1	“Бунёдкор” – “Навбаҳор” 3:0
19.05.2014	Олий лига	27,8	28,3	“Насаф” – “Бунёдкор” 2:0
23.05.2014	Олий лига	27,9	24,7	“Бунёдкор” – “Металлург” 2:0
01.06.2014	Олий лига	28,9	22,8	“Сўғдиёна” – “Бунёдкор” 0:2
05.06.2014	Олий лига	28,8	26,4	“Бунёдкор” – “Нефтчи” 1:1
10.06.2014	Ўзб.кубоги	27,6	26,1	“Бунёдкор” – “Олмалиқ” 2:2
14.06.2014	Олий лига	27,7	27,3	“Бунёдкор” – “Андижон” 2:0
18.06.2014	Ўзб.кубоги	26,2	27,1	“Олмалиқ” – “Бунёдкор” 0:4
Жами	.	27,8	26,4	.