“Бунёдкор” 500-голини уришга яқин

Кўпчиликка яхши маълумки, “қалдирғочлар” Ўзбекистон чемпионати олий лигасида 2007 йилдан буён иштирок этиб келади. Жамоанинг элитадаги илк голини Владимир Шишелов XVI миллий чемпионатнинг 1-турда “Вобкент” дарвозасига меҳмондаги учрашувда киритган эди.

Бу йил олий лигада ўзининг 9-мавсумини ўтказаётган “Бунёдкор”нинг умумий голлари 497тага етди. Навбатдаги учинчи гол клуб тарихида 500-юбилей гол сифатида қабул қилинади.

“Бунёдкор” ҳозиргача олий лига доирасида 246та учрашув ўтказиб, шуларнинг 181тасида ғалаба қозонган. 39 учрашувда дуранг 26 баҳсда мағлубият қайд этилган. Тўплар фарқи – 497:133. Умумий жамғарилган очколар сони 582та.