“Бунёдкор-2000” финалда!

Мусобақада мезбонлар “Сунгдо” (Хитой), “Кионгидо” (Жанубий Корея), “Юсонён” (Шимолий Корея) ва “Бунёдкор” (Ўзбекистон) жамоалари иштирок этишмоқда.

Гуруҳ босқичи баҳслари якунланиб, финалчилар ва 3-ўрин учун бўладиган баҳс иштирокчилари маълум бўлди.

Отабек Ғуломхўжаев бошқарувидаги “Бунёдкор-2000” гуруҳнинг сўнгги ўйинида Жанубий Кореянинг “Кионгидо” жамоасини 2:0 ҳисобида мағлубиятга учратди. Голларга Абдунозир Абдураҳмонов ва Абубакир Мўйдинов муаллифлик қилишди. Гуруҳнинг иккинчи ўйинида “Юсонён” (Шимолий Корея) мезбонларнинг “Сунгдо” жамоасидан 2:0 ҳисобида устун келди. Мусобақа тақвимига кўра, гуруҳ босқичида биринчи ва иккинчи ўринни қўлга киритган “Юсонён” (Шимолий Корея) ва “Бунёдкор” жамоалари ҳал қилувчи финал ўйинида иштирок этадилар. Учинчи ва тўртинчи поғонанини банд этган “Сунгдо” (Хитой) ва “Кионгидо” (Жанубий Корея) жамоалари турнирнинг бронза медаллари учун куч синашадилар.

Финал учрашуви 2 февраль куни бўлиб ўтади.