Бундеслига ТВ ҳуқуқларни сотиб, клубларни молиялаштирмоқчи

Маълумотларга кўра, Бундеслига 3 ойдан бери телетрансляцияларнинг тижорат ҳуқуқи бўйича инвестицион фондлар билан музокара ўтказмоқда. Лига клубларни молиялаштириш учун ТВ ҳуқуқларнинг миноритар қисмини (бошқариш ҳуқуқига эга бўлмаган қисми) сотмоқчи.

Айни дамда ТВ ҳуқуқлар учун 5 инвестор даъвогарлик қилмоқда. Курашга Американинг инвестицион компанияси, "Реал" ва "Барселона"ни қайта молиялаштиришда иштирок этган Sixth Street қўшилиши мумкин. Sixth Street 2022 йилнинг ёзида Каталония клубига молиявий имкониятлар яратишда ёрдам берган. Компания "Барсселона"нинг тв ҳуқуқлардан тушадиган 25% фойдасини 25 йилга сотиб олган эди.