Бундеслига. Бугун марказий ўйин Мюнхенда эмас Бременда бўлади

Немис чемпионати гегемони "Бавария" Мюнхенда "Аугсбург"ни қабул қилади. Дастлабки 4та турда 4та ғалабага эришган Нико Ковач бошчилигидаги жамоа ҳафта ўртасида ҳам ғалабага эришиб мухлисларини хурсанд қилишга уринади.

Охирги 7та ўзаро ўйинда "Бавария" "Аугсбург"ни фақат мағлуб этган. Сўнгги бор 2015 йил "Аугсбург" сенсацион тарзда Мюнхендан 3 очко билан қайтган эди. Бугунги куннинг марказий ўйини Бременда бўлиб ўтади. Унда ушбу мавсумда ҳали мағлубиятга учрамаган икки клуб "Вердер" ва "Герта" тўқнаш келади.

Ҳужумчи Ведад Ибишевич етакчилигидаги "Герта" 10 очко билан иккинчи, Клаудио Писарро бошчилигидаги "Вердер" 8 очко билан тўртинчи ўринда бормоқда. "Герта" ярим ҳимоячиси Ондрей Дуда 4та ўйинда 4та гол уриб ҳозирда Бундеслигада тўпурарлар пойгасида биринчи ўринда бормоқда.

Ўзбекистонда туғилган Антон Вальдемар ўйнаётган "Ганновер" ўз мухлислари қаршисида ўтган ҳафта ЕЧЛ гуруҳ босқичида дебют қилган "Хоффенхайм"ни қабул қилади.

Германиянинг амалдаги вице-чемпиони "Шальке-04" учун янги мавсум дахшатли даражада омадсиз тарзда бошланди - 4та ўйин, 4та мағлубият ва мусобақа жадвалида сўнгги ўрин. Бугун Доменико Тедеско бошчилигидаги жамоа "Фрайбург" меҳмони бўлишади. 

Бундеслига. 5-тур. Мусобақа жадвали
25 сентябрь.
21:30 "Вердер" - "Герта"  ("Матч ТВ. ФУТБОЛ 2" LIVE)
23:30 "Бавария" - "Аугсбург" ("Матч ТВ. ФУТБОЛ 2" LIVE)
23:30 "Ганновер" - "Хоффенхайм"
23:30 "Фрайбург" - "Шальке-04"

*Барча соатлар Тошкент вақти билан берилган.