Бугунги туғилган кунлар... Сизларни табриклаймиз!

Бу борада устоз Анвар Илёсовнинг меҳнатлари катта!

30 йилдан ортиқ вақт давомида футбол ўйинларини тарихга муҳрлаб келаётган Анвар ака Илёсов бугун 51 ёшга тўлдилар.

Шунингдек, кўп йиллар давомида Ўзбекистон каналининг "Ахборот" информацион дастурида спорт хабарларини ёритиб келган, бугунда Ўзбекистон миллий олимпия қўмитасининг матбуот котиби Шавкат ака Жалилов 41 ёшга тўлдилар.

"Локомотив" жамоасининг ёш бошқарувчиси, клуб академиясини яратиш борасида бир қанча ғояларни амалга ошириш арафасида турган Тўлабек Акрамов 26 ёшга тўлди.

Куни кеча "Олмалиқ" мини футбол жамоаси сафида Ўзбекистон чемпионлигини қўлга киритган, Ўзбекистон миллий терма жамоасининг дарвозабони Рустам Умаров 31 ёшни қарши олди.

Муборакнинг "Машъал" жамоаси ҳимоячиси Сирож Ҳамроев бугун 25 ёшга тўлди.

Сайтимиз ва унинг ўқувчилари номидан барчаларингизни туғилган кунингиз билан табриклаймиз!