Бугун у "Бунёдкор"га қарши

"Навбаҳор" бош мураббийи Сергей Лушчан шогирдларини ўзининг қадрдон клуби ҳисобланган "Бунёдкор"га қарши олиб тушади.

Лушчан футболчилик даврида 2007 ва 2008 йилларда "Бунёдкор" шарафини ҳимоя қилган ва 28 та ўйинда 5 та гол уришга эришган.

Мураббий сифатида 2011-2013 йилларда "Бунёдкор" академиясида ишлаган, 2013-2014 йилларда эса "Бунёдкор-фарм" жамоасини бошқарган. 2014 йилдан 2017 йилга қадар "Бунёдкор" асосий жамоасини бошқарган. Лушчан қўл остида "қалдирғочлар" Ўзбекистон чемпионатида 76 та ўйин ўтказиб 43 та ғалаба, 18 та дуранг ва 15 та мағлубият қайд этишган.

2015, 2016 ва 2017 йилларда "Бунёдкор" ушбу мураббий қўл остида ОЧЛ плей-офф учрашувларида ғалаба қозониб гуруҳ босқичига йўлланма олган. Умумий олганда Лушчан ОЧЛда бош мураббий сифатида "Бунёдкор"ни 21 марта майдонга бошлаб тушган ва 3 та ғалаба, 5 та дуранг ҳамда 13 та мағлубият қайд этган.

Бугунга қадар Сергей Лушчан бош мураббий сифатида "Бунёдкор"га қарши 4 марта ўйнаган. "Сўғдиёна" устози сифатида 2018-2019 йилларда ушбу мураббий бошчилигидаги Жиззах клуби "қалдирғочлар"ни бир марта мағлуб этган, бир марта дуранг ўйнаган ва икки марта мағлуб бўлган (битта мағлубият кубокда қайд этилган).

Навбахор

Суперлига. Тур 16 19/08/2024, 19:30 - : - Не начался

Бунедкор

Открыть в Матч-Центре