Бугун Роналду Жаҳон чемпионатига йўлланма олиши мумкин
10 окт 2017 19:54
Новости

Бугун Роналду Жаҳон чемпионатига йўлланма олиши мумкин

Бугун Европа қитъасида 2018 йилги Жаҳон чемпионати учун саралаш баҳслари давом эттирилади.

Бугун қайси жамоалар мундиалга йўлланмани қўлга киритиши мумкин?

Франция

Франция ўз уйида Беларусь терма жамоасини мағлуб этишса Россиядаги мундиал чиптасини қўлга киритади. Агар Швеция Голландия билан баҳсда очко йўқотса ва мағлуб бўлса Францияга дуранг ва мағлубият ҳам етарли бўлади.

Швеция

Шведлар қуйидаги ҳолатда гуруҳда биринчи бўлишади:

- Голландия мағлуб этилса ва Франция бугун очко йўқотса

- Голландия билан дуранг ўйнашса ва Франция Беларусга ютқазиб қўйса (очколар тенг келиб қолса Швеция тўплар нисбатига кўра юқорида бўлишади)

Голландия терма жамоаси иккинчи ўринни олиб плей-оффда қатнашиши учун ўз майдонида Швецияни камида 7:0 ҳисобида таслим қилиши лозим бўлади.

Европа. "А" гуруҳи
Франция – Беларусь. 23.45
Люксембург – Болгария. 23.45
Голландия – Швеция. 23.45

Швейцария

Швейцария сафарда Португалияга ютқазмаса биринчи ўринда қолади ва йўлланмага эга бўлади

Португалия

Европа чемпионлари ўз майдонларида Швейцарияни мағлуб этишса ЖЧ-2018га чиқишади. Бу ҳолатда Роналду жамоаси тўплар нисбатига кўра биринчи ўринга чиқади.

Европа. "В" гуруҳи
Португалия – Швейцария. 23.45
Венгрия – Фарерские острова. 23.45
Латвия – Андорра. 23.45