Бугун "Футбол-Шоу". Биз ёмғирдан қўрқмаймиз

Ўқувчиларимиз орзиқиб кутаётган кунга ҳам оз қолди. "Championat.asia" сайтининг ташкил топганига уч йил тўлиши муносабати билан ўтказиладиган шоу тадбиримизда бир қатор футболчилар иштирок этадилар.

Демак, "СА-1" жамоасига Дилшод Нуралиев устозлик қилади. Унинг таркибидан ЖЧ иштирокчилари - Сарвар Каримов (дарвозабон), Жамшид Болтабоев, Жавоҳир Сиддиқов, Иброҳим Абдуллаев ҳамда Санжар Турсунов ва Тимур Ҳакимов ўрин оладилар.

"СА-2" жамоаси постини Александр Лобанов қўриқлайдиган бўлди. Майдонда эса Акбар Исматуллаев, Абдуқаҳҳор Ҳожиакбаров, Акмал Холматов ва Иван Нагаев тўп тепишади. Жафар Ирисметовнинг ҳам келиши кутиляпти. Биз ҳаммани ҳам таклиф эта олмадик, агар шу хабарни ўқиётган футболчиларимиз тадбиримизда иштирок этишни истасалар, ўқувчиларимиз бундан фақат хурсанд бўладилар.

Демак, кутилган шоуга 3,5 соат вақт қолди. Ёмғирга қарамай шоуда иштирок этишга шошилинг! Ҳақиқий эркаклар ёмғирда ҳам футбол ўйнайверадилар.