Бугун футбол. Иккинчи даврада ҳали гол урмаган "Динамо" "Бунёдкор"ни қабул қилади
21 сен 2017 14:15
Новости
![](https://championat.asia/upload/storage/278940_original.jpg)
![](/upload/storage/278940_220.jpg)
Бугун футбол. Иккинчи даврада ҳали гол урмаган "Динамо" "Бунёдкор"ни қабул қилади
Самарқанднинг "Динамо" клуби ўз майдонида "Бунёдкор"ни қабул қилади. Ўйин аҳамияти иккала жамоа учун ҳам юқори. Айниқса, "Динамо" учун. Чунки бу жамоа иккинчи давра бошланганидан бери олтита ўйинда майдонга тушган бўлса, ҳали бирор мартаям гол ура олмади.
Умумий ҳисобда "Динамо" футболчилари саккизта ўйиндан бери тўп кирита олишмаяпти. Мана шу саккизта учрашувдаги тўплар нисбати 0-7. Албатта, олий лига клуби учун бу ачинарли кўрсаткич. "Динамо"да ўзи гол урадиган футболчи борми деган савол юзага келади.
Бугун эса майдон эгаларини яна бир жиддий рақиб кутмоқда. Миржалол Қосимов қайтганидан бери "Бунёдкор" анча ўзгарди. Жамоа иккинчи даврада мағлубиятсиз давом этмоқда: тўртта ғалаба ва икки дуранг. Катта эҳтимол билан "Бунёдкор" бугун ҳам ютқазмаса керак.
Биласизми? "Динамо" охирги икки ўйинни дуранг билан якунлади. "Бухоро" ва "Қўқон-1912"га қарши баҳслар 0:0 ҳисобида тугади. "Бунёдкор" эса кетма-кет учта ғалабадан сўнг сафарда "Қизилқум" билан 3:3 ўйнади.
Факт: "Бунёдкор" иккинчи даврада ҳозирча олтита ўйинда майдонга тушиб, шундан бештасида гол ўтказмади. "Динамо"да эса бунинг акси: олтита ўйинда бирортаям гол йўқ.
Похожие новости
![AMP Logo](https://championat.asia/image/logo-amp.png)
Комментарии