Бугун футбол. "Динамо" - "Локомотив"

Мазкур турни "Локомотив" Самарқандда "Динамо" жамоасига қарши ўтказади. Марказий стадионда бўлиб ўтадиган баҳс соат 18:30да старт олади. 

Мусобақа жадвалида "Локомотив" 3 очко тўплаган ҳолда 11-ўринда боряпти, "Динамо" эса 1 очко билан охирги ўрнини эгаллаб турибди. "Локо"да тўплар нисбати 3-6, "Динамо"да эса 1-5. 

"Динамо" шу пайтгача уйда иккита ўйин ўтказиб, бир мағлубият ва бир дуранг қайд этган. Мавсумни "Пахтакор"га қарши 0:2 билан бошлаган самарқандликлар кейинчалик "Қизилқум" билан 0:0 ўйнашди. Сафардаги иккита ўйинда эса "Динамо" "Сўғдиёна" ва "Бунёдкор" жамоаларига мағлуб бўлди. 

"Локомотив" ҳам худди "Динамо" сингари тўртта учрашувдан учтасида мағлуб бўлди. Фақат "темирйўлчилар" ҳисобида битта ғалаба бор ва бу ютуқ АГМК билан баҳсда қўлга киритилди. "Темирйўлчилар" "Қизилқум", "Бунёдкор" ва "Насаф" билан ўйинларда имкониятни бой беришди. 

ДИНАМО – ЛОКОМОТИВ

Ҳакамлар: Шавкат Насибуллаев, Бектурсин Канназаров, Дамир Искандеров, Найим Қосимов

Назоратчи: Арслон Хотамов

Комиссар: Бекзод Арипов