Бугун футбол. "Бунёдкор" - "Металлург"

Тошкентда "Бунёдкор" пойтахт вилоятининг "Металлург" клубини қабул қилади. Мусобақа жадвалида "Бунёдкор" 10 очко билан 6-ўринда боряпти, "Металлург" эса 6 очко тўплаган ҳолда 12-поғонани эгаллаб турибди. "Бунёдкор"да тўплар нисбати 10-13, "Металлург"да эса 3-5. 

Қаторасига учта ғалабани нишонлаган "Бунёдкор" охирги икки ўйинда ютқазиб қўйди. "Қалдирғочлар" аввалига ўз майдонида "Олимпик"ка 1:5, сўнгра Наманганда "Навбаҳор"га 1:2 ҳисобида имкониятни бой берди. 

"Металлург" дастлабки турда АГМКни мағлуб этганидан бери бошқа ғалаба қозонмади. Бекободликлар шундан сўнг 3 дуранг ва икки мағлубият қайд этишди. Албатта, "Металлург"га ҳам осон тутиб бўлмайди, чунки жамоа бу кетишда Пролигага равона бўлиши мумкин. Шу боис испаниялик мураббий Луисма Эрнандес ҳозирдан отни қамчилаши шарт. 

10 май, сешанба

19:00. БУНЁДКОР – МЕТАЛЛУРГ

Ҳакамлар: Фирдавс Норсафаров, Анвар Маражабов, Зиёдулло Абдураҳмонов, Достон Раҳмонов

Назоратчи: Марат Исмоилов

VAR ҳаками: Акобирхўжа Шукуруллаев

VAR ассистенти: Жаҳонгир Саидов

VAR назоратчиси: Владислав Цейтлин

Комиссар: Лазиз Қўчқоров