Буффон яна терма жамоада ўйнамоқчи...
27 фев 2018 20:59
Новости

Буффон яна терма жамоада ўйнамоқчи...

"Ювентус" ҳамда Италия терма жамоаси дарвозабони Жанлуижи Буффон Аргентина ва Англия терма жамоаларига қарши баҳсларда иштирок этиши мумкин.

"Терма жамоа учун оғир бўлган вақтларда масъулиятни ўз бўйнимга олишга тайёрман. Оилам билан дам олишга бормоқчи эдим, бироқ термадагилар мени ўша ўйинларга чақирмоқчи бўлишса, бунга тайёрман.

Ҳозирча келажагим борасида аниқ қарорга кела олмадим. Тажрибали футболчилар Аргентина ва Англия билан ўйинларда асқотади", - деди Буффон.

Эслатиб ўтамиз, Буффон Италия терма жамоаси ЖЧ-2018 саралашининг плей-оффида Швециядан енгилганидан сўнг терма жамоадаги фаолиятига якун ясаганини маълум қилган эди.