Брендан Рожерс: “Шубҳасиз, Шмейхель Алиссон ва Эдерсон билан бир хил даражада“

Эслатиб ўтамиз, Алиссон “Ливерпуль“ дарвозасини қўриқласа, Эдерсон “Манчестер Сити“нинг асосий дарвозабони ҳисобланади.

“Каспер шубҳасиз, Алиссон ва Эдерсон билан бир хил даражада. У Англиядаги энг яхши дарвозабонлардан бири. Умид қиламанки, сиз унинг барча кучли фазилатларини кўргансиз. Ҳамма унинг отаси ҳақида гапиради, лекин унинг ўзи ҳам қийин йўлни босиб ўтган. У ижарага кетди, Шотландияда ўйнади. Сиз Петер Шмейхелнинг ўғли сифатида ўзини кўрсатиш қанчалик қийинлигини билмайсиз, аммо у буни умр бўйи қилган“ - дейди Рожерс.

Каспер Шмейхелнинг отаси Петер 90 йилларда “Манчестер Юнайтед“даги ўйинлари орқали танилган.

Кичик Шмейхель "Лестер"да 2011 йилдан бери тўп сурмоқда. 2015/16 йилги мавсумда у “тулкилар“ билан Англия чемпионлигини қўлга киритди.