Бразилиялик Роналдо ўзини португалиялик Роналду билан таққослади

Ўз пайтида тезкор ҳаракати ҳамда чиройли голлари билан мухлислар эътиборини қозонган Роналдо Италиянинг "La Gazzetta dello Sport" нашрига интервью берди.

42 ёшли собиқ футболчи интервью давомида ўзи билан португалиялик Роналдуни солиштирди. "Биз иккаламиз ҳам гол уришга чанқоқмиз. Аммо ўйнайдиган чизиқларимиз бошқа-бошқа. Гарчи ҳозир Криштиану марказда ўйнаётган бўлса-да, дарвоза томон бошқача ҳаракат қилади".

"Криштиану 33 ёшида ҳам ажойиб формада, у ҳар доим ўз танасини бошқариб туради. Мен шуғулланишим керак бўлгани учун машғулот ўтказардим, Роналду эса машқ қилишни ёқтиргани учун шуғулланади. Португалиялик мендан 9 ёш кичик, қолаверса иккимиз футбол ўйнаган давр бир-бирига ўхшамайди. Лекин шуни айтишим мумкин, у мендан кучли. Буни тан олиш керак", - дейди бразилиялик "сўйлоқ".