Бразилияда Пеле билан видолашув маросими бошланди

Уч карра жаҳон чемпионининг жасади солинган тобут “Сантос” стадионида жойлаштирилди. Видолашув маросими роппа-роса бир кун давом этади.

Стадионда “Яшасин, Қирол” ёзуви туширилган баннер осилган.

Шунингдек, стадионда Пеле билан хайрлашиш учун келган мухлисларнинг катта навбатлари пайдо бўлди.

Пеле 2022 йилнинг 29 декабрь куни 82 ёшида йўғон ичак саратони асоратлари туфайли вафот этди. Бразилиялик футболчи сифатида тарихдаги ягона уч карра жаҳон чемпиони, шунингдек, фаолиятидаги барча голлар сони бўйича рекордчи (1279) саналади.

ВИДЕО