Бразилия терма жамоаси собиқ футболчиси Австралия чемпионатида ўйнайди
26 авг 2024 11:45
Новости

Бразилия терма жамоаси собиқ футболчиси Австралия чемпионатида ўйнайди

Бразилия терма жамоаси, Германиянинг "Бавария" ва Италиянинг "Ювентус" клублари собиқ футболчиси Дуглас Коста Австралиянинг "Сидней" жамоаси билан шартнома имзолади.

Бразилиялик "кўклар" сафига қўшилди. Ярим ҳимоячи "Сидней" билан 2 йиллик шартнома тузди.

Дугласнинг фаолиятидаги сўнгги бекат Бразилиянинг "Флуминенсе" жамоаси бўлганди. Ярим ҳимоячи жамоа сафида 22 ўйин ўтказиб, 1 та голга пас узатди. Айтиш керакки, "Бавария" ва "Ювентус"даги ўйинлари билан танилган футболчи барча турнирларда 541 ўйинда қатнашиб, 76 та гол урган ва 108 та голга ассистентлик қилган.

Қолаверса, Коста илгари Бразилия терма жамоасига чақириларди. Дуглач мамлакат учун 31 ўйинда ҳаракат қилган ва 3 та гол урган.

Ссылка :

Источник : sydneyfc.com

Получайте новости прямо в Telegram!

Рейтинг: +3