"Брайтон" ушбу мавсум АПЛда кучли олтиликдан тўртта жамоани мағлуб қилди. Фақатгина "Сити" ва "Тоттенхэм" мағлуб этилмади

"Брайтон" клуби АПЛ 36-турида "Арсенал"ни 3:0 ҳисобида мағлуб қилди. Шу тариқа, клуб яна бир инглиз гранди устидан ғалаба қилди.

"Брайтон" бу мавсум "юқори олтилик" жамоалари орасидан тўрттасини таслим этди. 2022-2023 йилги мавсумда Де Зерби шогирдлари "Ливерпул"ни 3:0 ҳисобида таслим этганди. "Манчестер Юнайтед" (2:1, 1:0) ва "Челси" (4:1, 2:1) чемпионатнинг икки ўйинида ҳам "Брайтон" томонидан мағлуб этилди. Мана энди улар орасига "Арсенал" (3:0)  келиб қўшилди. 

"Брайтон" кучли олтиликдан фақатгина "Ман Сити" ва "Тоттенхэм"ни енга олмади. "Шпор"лар иккала ўйинда ҳам "Брайтон"ни мағлуб қилган бўлишса, "Ман Сити" биринчи даврада Де Зерби шогирдларини таслим этганди. "Сити" билан иккинчи давра ўйини эса 24 май куни ўтказилади.