Болалар ва ўсмирлар ўртасида "Наврўз" мусобақаси финали бўлиб ўтди

ЎФАга қарашли сунъий қопламали майдон ҳамда “Чиғатой” спорт базаси майдонида ўтаётган 2004 йилда туғилган болалар ўртасидаги мусобақада жами 13та жамоа қатнашди.

Бугун ушбу турнирнинг 3-ўрин учун баҳси ва финали бўлиб ўтди.

3-ўрин учун кечган баҳсда “Ифтихор” ФМ “Пахтакор” футбол академияси билан куч синашди. Ўйиннинг асосий вақти 1:1 ҳисобидаги дуранг билан якунига етди. Пенальтилар сериясида “Ифтихор” футбол мактаби жамоасига омад кулиб боқди – 4:2.

Финалда “Нефтчи” БЎФМ “Насаф” БЎФМга қарши майдонга тушди. Қизиқарли кечган баҳсда “Насаф” БЎФМ 2:1 ҳисобида ғалаба қозониб, мусобақанинг бош совринини қўлга киритди.



Мазкур мусобақани Ўзбекистон футбол ассоциацияси селекционерлари кузатиб боришганини ҳам алоҳида таъкидлаб ўтиш керак. Истеъдодли футболчилар Ўзбекистон ўсмирлар терма жамоасига жалб қилинади.

2006 йилда туғилган болалар жамоалари ўртасида мусобақа 2 апрель куни бошланади.