"Бока Хуниорс"даги Тоҳир Усмонов: "Янги жамоада ўйнашни сабрсизлик билан кутяпман"
25 июн 2015 10:12
Новости

"Бока Хуниорс"даги Тоҳир Усмонов: "Янги жамоада ўйнашни сабрсизлик билан кутяпман"

Кеча "Бока Хуниорс"га ўтган Тоҳир Усмонов ҳақида маълумот берган эдик.

Ушбу футболчи сайтимиз учун экслюзив интервью берди.

"Ассалому алайкум, мен Тоҳир Усмонов Ўзбекистон пойтахти Тошкентда туғилганман. 9 ёшлигимда оиламиз билан АҚШга кўчиб кетганмиз.

14 ёшимда футбол ўйнай бошладим. Менинг биринчи жамоам Нью-Жерси штатидаги "Olive" клуби. У ерда 4 йил тўп тепдим. Кейинчалик Ўзбекистонда "Пахтакор" ёшлари сафида ўйнадим. Бир қанча вақт ўтгач "Андижон" клуби билан 1 йиллик шартнома имзоладим. Андижон вилояти жамоаси билан келишувим якунига етгач АҚШга қайтдим. Жаҳоннинг энг машҳур клубларидан бири "Бока Хуниорс" Америкада ҳам жамоа очиш ниятида экан. Мен ушбу клуб йиғинида иштирок этдим. Шундай қилиб "Бока Хуниорс" энди Аргентина ва АҚШда бўлади ва мен бу клубнинг Америкадаги U23 жамоасида тўп тепаман. "Бока Хуниорс" сафида ўйнашни сабрсизлик билан кутяпман ва ушбу муваффақиятларга эришганим учун яратгандан миннатдорман. Оилам ва дўстларимга қўллаб-қувватлаганлари учун раҳмат айтаман" - дейди Тоҳир Усмонов.

Ссылка :

Источник : championat.asia

Получайте новости прямо в Telegram!

Рейтинг: