Бобурбек Юлдашев: “Голим терма жамоага ғалаба келтирганидан хурсандман”

Учрашувда ягона гол муаллифи Бобурбек Юлдашев билан боғланиб, фикрлари билан қизиқдик.

- Ўйин яхши ўтди. БААни барча билади, улар ҳам ўзига яраша кучли рақиб. Аслида ҳам мақсадимиз турнирни ижобий натижа билан бошлаш эди. Бунинг учун барчамиз астойдил харакат қилдик ва ғалаба илинжида юқори иштиёқ билан тўп тепдик. Якунда мехнатимиз эвазига муваффақият қозондик.

- Албатта урган голим терма жамоамизга ғалаба келтирганидан хурсандман. Насиб қилса энди келгуси баҳсларда ҳам халқимизни ижобий натижа билан хурсанд қилишга харакат қиламиз.

- Словакияда ўтаётган ўзига хос йиғин қониқарли ўтмоқда дейиш мумкин. Бу ерда бизга барча шароитлар яратилган. Ўйлайманки мазкур хориж йиғини биз учун фойдали бўлиши аниқ.

- Мусобақада юқори савиядаги жамоалар иштирок этмоқда. Шунинг учун ҳам ўйинлар кескин курашлар остида ўтмоқда дейиш мумкин – дейди Бобурбек Юлдашев.

Исломбек Рустамбеков.