Блинд: "Отам юлдузлигини узоқ вақт тушунмаганман"

Катта Блинд Бразилиядаги жаҳон чемпионатида Луи ван Галга ёрдамчи бўлган ва кейинроқ Гус Хиддинкнинг мураббийлар штабида ишлади.

Дэйли Блинд машҳур футболчи оиласида яшаш қандайлигини сўзлаб берди.

"Отам футбол юлдузи эканлигини фақат мактабда билганман. Олдин отам футболдаги фаолиятини якунламагунича буни тушунмаганман. Мен фақат 1995 йилдаги Чемпионлар лигасининг фото ва видео лавҳаларини кўрганман.

Ҳозир эса унинг барча ўйинларини биламан, аммо унинг ўйнаганини стадионда кўрмаганман. Эслайдиган биринчи нарсам, отамнинг "Аякс"даги сўнгги учрашуви. Жуда кўп одамлар унинг исмини айтиб куйлашар эди. Ўша пайтда трибунада онам билан бирга эдим. Онам мени бағрига босиб роса йиғлаган. Ўшанда "Нега онам йиғлаяпти? Бу футбол ўйнаётган отамку" деб ўйлаганман. Кейинроқ эса бу учрашув отамнинг сўнгги ўйини эканлигини билдим. Баҳсни эслай олмайман, фақат майдондаги атмосфера ёдимда.

Кичкиналигимда отам билан бирга футбол ўйнар эдик. Аммо бу жуда кам содир бўлар эди, чунки "Аякс" мактабига эрта борганман. Отам кўпинчи шундай дерди: "Яхши, ярим соат ўйнаймиз, кейин эса дўстларинг билан ўйнайсан" - дейди Блинд.