Бирхофф Флик ҳақида: "Эрталаб 6:30 да қўнғироқ қилдим, у аллақачон машғулотда эди"

Германия терма жамоасининг собиқ ҳужумчиси "Bild" нашрига берган интервьюсида ҳамюртининг "мураббийлик ёндашуви" "Барселона"га жуда мос келишини айтди.

Бирхоффнинг таъкидлашича, Фликнинг футболи "қувонч ва жасоратни ифодалайди".

"Менимча, у клубга бирдамлик, жамоавийлик туйғусини беради. Клубдагилар ўзини бир оиладек тутмоқда ва ёшларга умид боғлаяпти.

"Барселона" молиявий босим туфайли "Ла Масия" ўйинчиларига таянишга мажбур. Буларнинг барчаси Хансига қўл келади", - деб ҳисобламоқда Бирхофф.

"Охирги марта унга эрталаб соат 6:30 да қўнғироқ қилдим, у аллақачон машғулот майдонида эди. Бу унинг ўз ишини қанчалик севишини кўрсатади", - деди Бирхофф.

Эслатиб ўтамиз, "Барселона" жорий мавсум Флик бошчилигида ЛаЛигада 9 турдан кейин 24 очко билан якка пешқадамлик қилмоқда. Улар асосий рақобатчилари "Реал"дан 3 очко илгарилаб кетишган.