Биринчи лига. Бугунги ўйинлардан олдин кимнинг имконияти юқори?

Бугунги ўйинлардан олдин жамоаларнинг имкониятини чамалаб кўрамиз.

"Истиқлол" - "Шўртан"
Иккала жамоа ҳам бу ўйинда бор имкониятларини ишга солишлари табиий. Ажойиб баҳс гувоҳига айланишимиз тайин.
Имкониятлар: 45-55

"Пахтакор2" - "Машъал2"
Бу икки фарм клублар ўртасидаги баҳслар доимо шиддатлиги билан ажралиб туради. Асосан ёшлардан иборат бўлган бу жамоалар ўртасидаги учрашув муҳлисларнинг ҳам, мураббийларнинг ҳам диққат марказида бўлиши аниқ.
Имкониятлар: 50-50

"Уздонгжу" - "Шердор"
Бўёқчилар жамоаси танаффусдан фойдаланиб бир қанча ўртоқлик учрашувлари ташкил этишга муваффақ бўлдилар. Бу учрашувларда бир қанча ёшлар синовдан ўтказилди. Баҳс шиддатли курашларга бой тарзда ўтиши аниқ.
Имкониятлар: 55-45

"Хотира79" - "Аланга"
Биринчи даврадан кейин таркиби кучсизланган уйчиликлар иккинчи босқичга яхши тайёргарлик кўрганликлари табиий. "Аланга" ҳам қуруқ қўл билан қайтиш учун келмаганликларини исботлаш учун майдонга чиқишларини тахмин қилишимиз мумкин.
Имкониятлар: 55-45

"Обод" - "Хоразм"
Бу йил биринчи лигада дебют мавсумини ўтказаётган тошкентликлар ажойиб натижаларни қўлга киритишмоқда. Уларнинг рақиби анойилардан эмас. "Хоразм" ҳам бор кучи билан қаршилик кўрсатиши мумкин.
Имкониятлар 60-40

"Қўқон1912" - "Орол"
Олий лига учун курашаётган жамоалардан бири бугун жиддий синовга дуч келишади. Ажойиб ўйинлари билан кўпчиликни хурсанд қилаётган "Орол" қўқонликлардан мағлуб бўлмаслик учун ҳаракат қилишади.
Имкониятлар: 60-40

Комилжон Икромов тайёрлади.