RU

Последние новости

23:54Евро-2024. Швейцария — Германия (Матнли трансляция)  0 23:04Шотландия — Венгрия. Таркиблар маълум  0 23:02Швейцария — Германия. Таркиблар маълум  0 22:24"Лацио" "Манчестер Юнайтед" форвардига қизиқмоқда  1 21:51ҚПЛ. "Ордабаси" меҳмонда камбэк қайд этиб, ғалабага эришди. Яхшибоев ва Умаров эса...  0 21:20Европанинг бир йўла беш гранди Йозуа Киммих учун даъвогарлик қилмоқда — журналист Плеттенберг  1 20:56"Ювентус" ўз футболчисини Роналду клубига ақл бовар қилмас нархга сотади  6 20:23"Ливерпуль" "Ювентус" хавбеки билан шартнома имзоламоқчи  0 19:58Ван Нистелройга МЮда тен Хагнинг штабига киришни таклиф қилишди. "Бёрнли" Рудни бош мураббий этиб тайинламоқчи  0 19:25Coca Cola Tour: Германия футбол Иттифоқи музейида Франц Беккенбауэр совға қилинган ўзбек чопони  10 19:05"Челси" Олисенинг рад жавобидан сўнг Нико Уильямс билан шартнома имзоламоқчи  4 18:56Alfraganus University: "Боруссия" кўчаларида Ўзбекистон байроғи, Туркия "ўз майдонида" Португалияга имкониятни бой берди  2 18:24Рустамбек Фомин ЦСКАнинг асосий жамоаси билан шуғулланмоқда  14 17:53Мората Испания терма жамоаси ошпазига айланди  2 17:23"Сўғдиёна" Тошкентда "Локомотив" устидан ғалаба қозонган ўйиндан ФОТОГАЛЕРЕЯ  0

"Биринчи ишонмадим, ҳазиллашишмоқда деб ўйладим. Қандай қилиб Фаластинга ютқазиб қўйдик, умуман тушунмаяпман" — Усмон Тошев кеча унга йиғлаб телефон қилган дўсти, Ўзбекистон ва Купер ҳақида очиқ гапирди Новости

"Биринчи ишонмадим, ҳазиллашишмоқда деб ўйладим. Қандай қилиб Фаластинга ютқазиб қўйдик, умуман тушунмаяпман" — Усмон Тошев кеча унга йиғлаб телефон қилган дўсти, Ўзбекистон ва Купер ҳақида очиқ гапирди

Хабарингиз бор, сайтимиз ижодкорлари Шаҳбоз Беғамов ва Жаҳонгир Файзуллаев ЖЧ-2022 саралаш босқичи доирасидаги Тожикистон - Қирғизистон иштирокидаги марказий Осиё дербисида ишлаш учун Душанбе шаҳрига боришганди.

Бугун эрталаб эса сайтимиз ижодкорлари кеча муҳим учрашувни ўтказган ва марказий Осиё дербисида ғалаба қозонган Тожикистон терма жамоасининг ўзбекистонлик бош мураббийи Усмон Тошевдан интервью олишди.

Суҳбат давомида Усмон Тошевга Ўзбекистон терма жамоасининг кечаги сенсацион мағлубиятига оид савол ҳам берилган. Тажрибали мутахассиснинг бу борадаги фикрини эса қуйида эътиборингизга тақдим этамиз.

"Туғилиб ўсган жойим Ўзбекистон. Шу боисдан ҳам ўзбек футболига ҳеч қачон бефарқ бўлолмайман. Жуда кўплаб одамлар билан ўзбек футболи ҳақида суҳбат қурамиз, мен билан савол-жавоб қилишади. Яширмайман, кеча жуда кўплаб қўнғироқлар нафақат табрик, балки сенсацион мағлубият ҳақидаги саволлар билан мурожаат қилишди. Фикримни сўрашди. Кеча ютдик, кайфият зўр. Ўйин ўзбекистонлик бўлганим учун терма жамоамиз натижасини менга айтишди. Даставвал ишонмадим, ҳазиллашяпти деб ўйладим. Бу гапга эътибор ҳам бермадим. Кейин яна Ўзбекистон ютқазди, дейишди. Бўлиши мумкин эмас деб юбордим. Биласизми, ютқазганимизни билгач ғалабадан кейинги зўр кайфият бузилди. 

Мен Ўзбекистон терма жамоаси Жаҳон чемпионатига чиқишини жуда хоҳлардим. Чунки халқ буни жуда узоқ кутиб қолди. Ҳамма нарса тайёр. Фақат ўша мундиалга чиқиш, яъни бир қадам қўйиш қолди. 

Дубайда яшайдиган бир дўстим бор. Кеча ўша Москвадан қўғғироқ қилди ва мени 1,5 соат вақтимни олди. Йиғлаяпти. Мен уни тинчлантириб, ҳали ҳаммаси яхши бўлишини айтишга уриндим. Тўғриси, ўйинни кўрмадим. Нима учун бундай бўлганини билмайман. Қирғизистон охирги ўйинни Фаластин билан 2:2 ҳисобида дуранг ўйнаганди. Мен кечаги рақибни ўрганиш, уларни ўйинини таҳлил қилиш жараёнида Фаластинга ҳам кўзим тушганди. Мураббийини ҳам яхши биламан. Очиғи, мен Ўзбекистон бу жамоага қандай қилиб ютқазганига ҳайрон қолдим. Умуман тушунмаяпман.

Албатта яхши ниятлар билан келгусида ҳаммаси яхши бўлишини истайман. Мундиалга чиқиш керак! Кеча Фаластинга қандай ютқазиб қўйишганини ҳеч тушунмаяпман. Айниқса таркиб супер. Муҳитнику гапирманг, терма жамоани қай тариқа кузатиб қўйишганини кўрдим. Даҳшат. Супер! Футболчилар буни ҳис қилади. Иккита тўп фарқи билан қандай қилиб ютқаздик? Ҳайронман. Четлатиш бўлганми ёки? Аламли. Йўқотилган 3 очко ҳали керак бўлади. Тўплар нисбати ҳам зарур. Устига-устак гуруҳдан барча 2-ўрин эгалари чиқмайди. Ҳар бир очко ва тўплар нисбати учун голлар муҳим аҳамиятга эга. Қадри баланд. Ўйлайманки, ҳали насиб бўлса терма жамоамиз бу гуруҳдан чиқади. 

Эктор Купер терма жамоада ниманидир ўзгартира олдими? Мен Купернинг дастлабки йиғинларидаги иккита машғулотини кузатганман. Тажрибали мутахассис сифатида биламиз. Шу боисдан ҳам қизиқиб боргандим. Машғулот жараёни яхши, менга ёқди. Тартиб ва интизом бор. Машғулот бошланмоқда, ҳамма ўз иши билан банд. Машғулот тугади ва барча ўз ишини қилмоқда. Бу яхши. Футболчилар билан ҳам гаплашаман, тартиб ва интизом борлиги ҳақиқат. Лекин... Билмадим, ўйин барибир қовушмаяпти. Демак мураббий истаётган ўйин ёки унинг услуби бизнинг футболга тўғри келмаяптими, дейман. 

Чунки ўзбек футболчилари тез ҳаракат қилишни, ностандарт ўйнашни, ҳужумда эркинроқ ўйнашни хуш кўришади ва буни яхшироқ уддалашади. Узун паслар орқали ўйнаш бизнинг футболчиларга ёқмайди. Уларни қандайдир рамкага тушириб қўйиб футбол ўйнатиш керак эмас. Балки шу жиҳат уларга ўз ўйинини кўрсатишга тўсқинлик қилаётган бўлиши мумкин. Кўпроқ эркинлик ва ҳужумда ижодкорлик зарур. Ўйинимизда мазкур жиҳатлар борасида узилишлар мавжуд, менимча. Бу сезилиб қолмоқда".

Усмон Тошев билан уюштирилган катта интервьюни кейинроқ батафсил эътиборингизга ҳавола этамиз.

Эслатиб ўтамиз, кеча ўзбекистонлик мураббий Усмон Тошев бошқарувидаги Тожикистон терма жамоаси марказий Осиё дербисида Қирғизистонни мағлуб этиб, "F" гуруҳида пешқадамга айланиб олди. Келаси турни жамоа 10 сентябрь куни сафарда Мўғулистонга қарши ўтказади.

Тожикистон терма жамоаси эртага Мўғулистонга учиб кетади.

Рейтинг: +94   

Комментарии

championat.asia
< посмотреть последние новости
Яндекс.Метрика