RU

Последние новости

23:08Туркия. "Истанбул Башакшеҳир" ўз майдонида "Эйюпспор"ни мағлуб қила олмади  31 22:55"Севинч" тарих яратди ва ОЧЛга йўлланма олди!  2 22:40Пеп Гвардиола: "Балки Ҳусанов жароҳат олмаганида ютқазмаган бўлардик"  13 22:25АПЛ. "Ливерпуль" Собослаининг суперголи эвазига "Арсенал"ни мағлуб қилди  37 21:53"Манчестер Юнайтед" янги дарвозабони билан келишувга эришди  3 21:45АПЛ. "Брайтон" - "Манчестер Сити" 2:1  1 21:35Родри: "Мен Месси эмасман"  9 21:11"Арсенал" ҳар турда йўқотишларга учрамоқда  1 20:59А Серия. "Женоа" - "Ювентус" баҳси асосий таркиблари маълум!  0 20:50"Манчестер Сити" АПЛнинг дастлабки уч ўйинининг иккитасида мағлуб бўлди  3 20:15"Челси" - "Фулхэм" ўйини ҳаками четлатилди  3 19:58АПЛ. "Манчестер Сити" мавсумда иккинчи марта мағлуб бўлди, Ҳусанов 85 дақиқа ўйнади  45 19:15Меҳди Тареми Эрон термаси ихтиёрини тарк этди, у янги жамоаси билан шартнома имзолайди  2 18:43"Ал Иттиҳод" бразилиялик футболчи билан музокараларни бошлади  0 18:15"Манчестер Юнайтед" собиқ ҳимоячиси "Астон Вилла"га ўтмоқда  0

Бир гуруҳ ўзбек спорти фидойиларига “Ўзбекистон спорт фахрийси” кўкрак нишони топширилди Новости

Бир гуруҳ ўзбек спорти фидойиларига “Ўзбекистон спорт фахрийси” кўкрак нишони топширилди

Бу ҳақда Ўзбекистон Миллий Олимпия Қўмитаси матбуот хизмати маълум қилди.

"Ўзбекистон спорт фахрийлари кенгаши мунтазам равишда спортимиз ривожига ҳисса қўшган фидойиларга эътибор кўрсатиб келади. Ташкилот яқинлашиб келаётган 8-март – Халқаро хотин-қизлар куни муносабати билан фахрий аёлларимизга байрам совғаларини улашди. Шунингдек, тадбирнинг иккинчи қисмида бу йил ўзининг 20-йиллигини нишонлаётган ЎзМТРК қошидаги “Спорт” телерадиоканалининг фахрий ижодкорлари ҳамда фаолиятини соғлом турмуш тарзи ва спорт тарғиботига бағишлаган бир гуруҳ соҳа фидойиларига “Ўзбекистон спорт фахрийси” кўкрак нишони топширилди.

Олимпия ва Паралимпия шон-шуҳрати музейида ўтган тадбирда Спорт вазирининг ўринбосари Дурдона Раҳимова, Ўзбекистон Спорт фахрийлари кенгаши раиси Баҳодир Махситов, устоз-мураббийлар ҳамда бир гуруҳ Олимпия ҳаракати тарғиботчилари иштирок этишди. Дурдона Шукруллаевна тадбирни очиб берар экан, мамлакатимизда хотин-қизлар спортининг ривожига қаратилаётган эътибор, фахрийларимизнинг ибратли ҳаёт йўли, улар томонидан бугунги ютуқларимиз учун қўйилган пойдевор ҳақида гапириб ўтди. Ўз навбатида, Баҳодир Махситович умрини соғлом турмуш тарзи, жисмоний тарбия ва спортни тарғиб қилишга бағишлаган устоз ижодкорларни эътироф этди. Қолаверса, спорт соҳасида хизмат қилган ва ҳозир ҳам фаолият олиб бораётган барча хотин-қизларни кириб келаётган байрам билан қутлади.

Шундан сўнг, спорт соҳасининг фидойи онахонларига эсдалик совғалари, устоз ижодкорларга эса “Ўзбекистон спорт фахрийси” кўкрак нишонлари тақдим этилди. Тадбир қатнашчилари давлатимиз томонидан кўрсатилаётган бундай эътибор ва ғамхўрликдан мамнун эканликларини билдиришди. Якунда фахрийларимиз халқимиз ва юртимиз фаровонлиги учун қўлларини дуога очишди", -дейилади Ўзбекистон Миллий Олимпия Қўмитаси баёнотида.

Рейтинг:    

Комментарии

championat.asia
< посмотреть последние новости
Яндекс.Метрика