"Билмайман, мураббийдан сўранг". Де Лигт — нега ўйнамаётгани ҳақида

"Нега мен дастлабки дақиқаларданоқ ўйнамаяпман? Билмайман, бу ҳақда мураббийдан сўрашингиз керак. Мураббий нимани хоҳласа шуни қиламан, шунинг учун охирги икки ўйинда 1 ва 6 дақиқа ўйнадим. Мен қила оладиган ягона нарса – бу майдонда ўзимни кўрсатиш. Қолган ҳаммаси – мураббийнинг қарори", – деди де Лигт.

Нидерландия терма жамоасининг 24 ёшли ҳимоячиси жорий мавсум Бундеслигада 4 та ўйин ўтказиб, жами 37 дақиқа ҳаракат қилди.

Аввалроқ "Бавария" бош мураббийи Томас Тухель де Лигтнинг ўйинидан қониқмаётгани хабар қилинган эди.