Биласизми? Олий лигада ўз уйида ютқазмаган фақат битта жамоа қолди
28 сен 2017 14:54
Новости
![](https://championat.asia/upload/storage/280175_original.jpg)
![](/upload/storage/280175_220.jpg)
Биласизми? Олий лигада ўз уйида ютқазмаган фақат битта жамоа қолди
Бу - наманганлик мухлисларнинг севимли жамоаси "Навбаҳор". "Навбаҳор" шу пайтгача ўз уйида 11та учрашув ўтказиб, биронтасида мағлуб бўлмади ва олти ғалаба, беш дурангни қўлга киритди. Тўплар нисбати 16-10. "Навбаҳор" уй ўйинларида ҳозирча 23 очколик бўлган.
Бунгача "Локомотив" билан "Олмалиқ" ҳам уйда мағлубиятга учрамасдан келаётганди, бироқ "Локо" "Пахтакор"га ютқазиб қўйган бўлса, "Олмалиқ" ўзида "Пахтакор"дан енгилган "Локо"га мағлуб бўлди. Натижада биргина "Навбаҳор" қолди.
Рақамларга қарайдиган бўлсак, ўз майдонидаги учрашувларда фақат бир мартадан мағлуб бўлган жамоалар сони олтитани ташкил этяпти. Булар - "Локомотив", "Насаф", "Бунёдкор", "Машъал", "Олмалиқ" ва "Қизилқум". Хўш, бу жамоалар қайси турда кимга ютқазиб қўйишган?
"Локомотив": 22-тур, "Пахтакор"га (0:1).
"Насаф": 18-тур, "Бунёдкор"га (0:1).
"Бунёдкор": 5-тур, "Қизилқум"га (0:1).
"Машъал": 1-тур, "Локомотив"га (0:1).
"Олмалиқ": 19-тур, "Локомотив"га (1:3).
"Қизилқум": 4-тур, "Бухоро"га (0:1).
Похожие новости
![AMP Logo](https://championat.asia/image/logo-amp.png)
Комментарии