Бекзод Қодирқулов: "Танаффус фойдамизга ишлади"

"Бугун ғалаба қозонишимиз осон кечгани йўқ. Барча чизиқларда йигитлар жипслашган ҳолда ҳаракат қилишди. Бир-бирларини қўллаб-қувватлашди. Бироқ 2:0дан сўнг бироз диққатни йўқотишди. Умуман олганда, бўшашишди. Шунинг ҳисобига охирги дақиқаларда гол ўтказиб юбордик. Ўтган турда "Шўртан" билан кечган ўйиннинг видеолавҳаларини яхшилаб ўрганиб чиққандик. Шундан керакли хулосалар чиқарилди. Орада 20 кунлик танаффусда камчиликлар устида ишладик. Якуний зарбани йўллашда муаммоларимиз бор. Футболчиларимиз ёш, лекин тўғри йўлдамиз, деб ўйлайман. Ўйин бўйича "Арал Самали" иккинчи бўлимда яхшигина муаммо туғдира олди. 

Оралиқда 20 кунлик танаффус юзага келди. Бўш вақтда тайёргарлик кўриш учун имконият юзага келганди. Мана шу вақтда ҳимоячиларнинг ўзаро тушунишлари ва ҳужумни якунлаш борасида ишладик. Йигитларнинг жисмоний ҳолатини ҳам тиклаб олдик. Танаффусда "Динамо" билан ўртоқлик учрашуви орқали бугунги ўйинга ҳозирлик кўрдик. "Хоразм" билан ҳам ўйинга ғалаба учун борамиз.

Мухлисларсиз ўйин қандайдир зерикарлидек бўлмоқда. Улар футболчиларга янада куч ва шижоат беришади. Ҳужумларда кескинлик юзага келади. Ишқибозлар бизнинг 12-ўйинчимиз ҳисобланади", – дейди Бекзод Қодирқулов.