Бекободда ёпиқ ўтган учрашувда "Металлург" Тожикистон чемпионига мағлуб бўлди

Бекободликлар кеча тайёргарлик доирасида ўртоқлик учрашувида майдонга тушишди. Тожикистоннинг "Истиқлол" жамоаси рақиблик қилган баҳсда майдон эгалари 0:1 ҳисобида мағлубиятга учради. 54-дақиқада Вахдат Ханоновнинг узатмасидан сўнг Шервони Мабатшоев гол уриб ҳисобни очди. Унинг чамаси 17 метрлардан йўллаган кучли зарбаси Акмал Турсунбоев қўриқлаётган дарвоза тўридан жой олди. Айтиб ўтиш жоиз учрашув меҳмон жамоанинг талабига биноан ёпиқ тарзда ўтказилди ва стадионга мухлислар киритилмади.

"Истиқлол" навбатдаги икки ўртоқлик учрашувини "Сўғдиёна" ва "Локомотив"га қарши ўтказади.

"Металлург" ўйинни қуйидаги таркибда бошлади.

Александр Лобанов, Одил Абдумажидов, Дамир Темиров, Иброҳим Ибрагимов, Станислав Андреев, Акбар Исматуллаев, Ихтиёр Тошпўлатов, Шаҳзод Ғофурбеков, Аброр Тошқўзиев, Худойшукур Сатторов, Саламат Қуттибоев, Иван Нагаев.

Захирадан тушганлар: Акмал Турсунбоев, Камолиддин Тожиев, Руслан Розиев, Абдураҳмон Абдулҳақов, Маҳмуджон Қудратуллаев, Зоҳид Абдуллаев.