Бахтиёр Ҳамидуллаев мураббийлик курсларида ўқишни бошлади

Маълум бўлишича собиқ футболчи мураббийлик соҳасига ўтаётган экан. Олинган маълумотларга кўра, Ҳамидуллаев яқинда Андижонда ташкил этилган "С" мураббийлик курсида таҳсил олган. Аслида профессионал ва олий маълумотли бўлган футболчи тўғридан-тўғри "В" лицензияси учун ўқиб, биринчи лигада бош мураббийлик қилиши мумкин. Лекин Бахтиёр Ҳамидуллаев ўзи учун янги бўлган соҳада ҳаммасини бир бошдан бошлади.

Умид қиламизки, ўз вақтида бир қатор голлари билан мухлислар меҳрини қозонган собиқ футболчи мураббий сифатида ҳам ишқибозларни хурсанд этади.