Бахтиёр Ашурматов: "Тенг кечган баҳсда биз мағлуб бўлдик"

Унинг иккинчи қисмида майдон эгалари бош мураббийи Бахтиёр Ашурматов иштирок этди.

"Ўйин тўғрисини айтсам бугун биринчи ўйин бўлгани учун йигитларимда ҳаяжон сезилиб турди. Мухлислар қўллаб-қувватлаши натижасида дастлабки бўлимда шогирдларим бироз ўзларини кўрсатишга ҳаракат қилишди. Ўйин охирида йўқ жойдан, ўз хатоимиз туфайли гол ўтказиб юбордик. "Локомотив" ҳисобни сақлаб қолиш учун ҳаракат қилди ва бунга эришди. Рақибни табриклайман, тенг кечган баҳсда биз мағлуб бўлдик.

Янги футболчилардан баъзилари ўзини кўрсатди, баъзилари эса ҳали ўз имконияти даражасида ўйнай олмади. Фамилияларни айтишда шошилмайман. Сабаби бу ҳали мавсум боши.

Мағлубиятда жамоани шакллантириш учун вақт етмади деб баҳона қилмоқчи эмасман. "Локомотив" дарвозаси олдида кам имконият яратдик ва гол ура олмадик. Мағлубиятимизга шу сабаб бўлди.

Биз ҳар бир ўйинда ғалаба учун майдонга тушамиз. "Локомотив" ёки "Насаф"га қарши ўйин экан деб мағлуб бўлиш режамизда йўқ. Агар кейинги ўйинларда ўзимизга керакли бўлган ўйинни кўрсатиб, ғалабаларга эришсак юқори ўринларга кураша оламиз.

Ҳакамлик ҳақида нима дейишим мумкин. Мухлисларга ҳакамлик ёқмади. Иккинчи бўлимда кўп тўхталишлар бўлди, лекин атига 3 дақиқа қўшиб берилди. Лекин бугун ҳакамлар ўйин тақдирини ҳал қиладиган хато қилишгани йўқ", - дейди Бахтиёр Ашурматов.


Шерзод Ҳамдамов.