Бахтиёр Ашурматов: "Баҳсли гол йигитларни руҳан синдириб қўйди"

"Ўйин жуда асабий кечди.  Бугунги ўйинни бошланишини яхши ўтказдик.  Баҳсли вазиятда киритилган гол йигитларни руҳан синдириб қўйди.  Бундан кейин футболчилар асабий ўйин кўрсатишди.  Уларга миннатдорчилик билдираман.  Қийин бўлишига қарамай охиригача курашди.  Афсуски сўнгги дақиқада ғалабани қўлдан бой бердик.  Ўйлайманки бугун уч очкони қўлга киритишимиз керак эди лекин охирги дақиқадаги қизил карточка  жамоамизга панд берди.

Баҳсли вазиятни ҳали кўриб чиққаним йўқ.  Кўрганимдан сўнг якуний фикрни айтишим мумкин.  Назоратчилар бор ва улар ҳам вазиятларни кўриб турибди.  Улар холис баҳо беради деган умиддаман.  Негаки мен вазиятдан узоқроқ эдим.  Кўриб чиқмасдан туриб баҳо берсам хато бўлиб қолиши мумкин.  Назоратчиларда диск бор.  Эътибор берсак биринчи бўлимда "Машъал"дан кўра бизда имконият кўп бўлди ва майдон эгалари вазият содир эта олмади.  Баҳсли вазиятдаги гол эса уларга руҳий куч берди.  Қизил олганимиздан сўнг майдон эгалари янадан босимни кўпайтирди".