"Бавария" де Лигт билан беш йиллик шартнома имзоламоқчи

Журналист Флориан Плеттенбергнинг хабарига кўра, томонлар трансфер борасида оғзаки келишувга эришишган.

Қайд этиш керакки, Мюнхен клуби "кекса синьора"га илк расмий таклифни беришга тайёрланмоқда.

Турин клуби 22 ёшли нидерландияликка ўринбосар сифатида "Наполи" ҳимоячиси Калиду Кулибали билан шартнома имзолашни режалаштирмоқда.

Де Лигт ўтган мавсум туринликлар либосида 42та ўйинда майдонга тушиб, 3та гол ва 1та ассист қайд этди. Ҳимоячининг клуб билан шартномаси 2024 йилнинг 30 июнига қадар мўлжалланган.