"Бавария" дарвозасини энди ким ҳимоя қилади?

Немис клуби сардори Нойер оёғини синдириб олди ва деярли мавсум сўнгига қадар сафдан чиқди. Шу сабабли Германия чемпионлари бир нечта эҳтимолий вариантларни ўрганиб чиқмоқда. Айни пайтда "Монако"да ижара асосида ҳаракатланаётган Александр Нюбель варианти сўроқ остида қолмоқда.

"Альянц Арена" эгалари "Боруссия" Мёнхенгладбах ва Швейцария терма жамоаси посбони Янн Зоммерни кузатишган ва у билан алоқага чиқишган. Ҳозирча ушбу келишув амалга ошиши борасида хабар берилгани йўқ. Унинг трансфери анча арзонга тушади. Мавсум сўнгида унинг клуби билан шартномаси якун топади.

Шунингдек, 34 ёшли дарвозабонга "Интер"дан ҳам қизиқиш бўлмоқда. "Манчестер Юнайтед" тажрибали посбонни таркибига қўшиб олишга яқин экани ҳақида хабарлар тарқалган эди.

Бугун, 17 декабрь куни Янн Зоммернинг таваллуд куни ҳисобланади.