"Бавария" Чемпионлар лигасидан чиқиб кетганидан сўнг янги марказий ҳимоячи изламоқда

Бу ҳақда журналист Флориан Плеттенберг хабар берди.

Унинг маълумотларига кўра, дастлаб клуб ёзги трансфер ойнасида бу позицияни кучайтиришни режалаштирмаган эди. Бироқ, "Интер"га қарши Чемпионлар Лигаси чорак финалидан мағлуб бўлгач, "Бавария" раҳбарияти ўз режаларини қайта кўриб чиқишга мажбур бўлди. 

Шу билан бирга, Дайо Упамекано билан шартномани узайтириш бўйича музокаралар футболчининг юқори молиявий талаблари туфайли тўхтаб қолди. Шунингдек, агар Ким Мин Чже бошқа клубдан манфаатлироқ таклиф олиб, жамоасини ўзгартириш истагини билдирса, унинг клубни тарк этиш эҳтимоли ошиб кетади. Шу вазиятдан келиб чиқиб, "Бавария" марказий ҳимоячи позициясига номзодлар қидирмоқда. Айни пайтда, "Бавария" Эрик Дайер билан ҳамкорликни давом эттириш мақсадида у билан музокаралар олиб бормоқда.