"Барселона"нинг икки ўйинчиси жароҳат олди

Иньиго Мартинес жароҳатига қарамай, учрашув охиригача ҳаракат қилди, Марк Касадо эса 67-дақиқада майдонни тарк этишга мажбур бўлди. Журналист Хави Мигелнинг сўзларига кўра, ҳар икки футболчи Миллатлар Лигасининг бўлажак ўйинларида Испания терма жамоасига ёрдам бера олмайди.

Иньиго Мартинес ва Марк Касадо -– "қизил фурия"нинг асосий асосий фигуралари. Уларнинг йўқлиги Испаниянинг Нидерландияга қарши чорак финалдаги имкониятларига жиддий путур етказиши мумкин. Биринчи ўйин 20 март куни рақиб майдонида, жавоб учрашуви эса уч кундан кейин Испанияда бўлиб ўтади.

"Бу биз учун катта йўқотиш. Иньиго ва Марк шунчаки ўйинчилар эмас, улар майдонда кўп нарсани ҳал қиладиган етакчилар эди", – дейди Испания терма жамоаси мураббийлар штабидаги аноним манба.