«Барселона» Суаресга янги шартнома таклиф қилади

Sport.es нашри хабарига кўра, Каталония клуби 29 ёшли уругвайлик футболчи билан 2017 йил ёзида музокара бошлайди. Унинг амалдаги шартномаси 2019 йилда тугайди.

Суареснинг ўзи «Барселона»да фаолиятини якунлашга тайёр.

Ҳозирда футболчи клубда маош олиш бўйича Лионель Месси, Неймар, Андрес Иньеста ва Даниэл Алвесдан кейинги ўринда туради.

Бу мавсумда Испания чемпионатининг 32та ўйинида Суарес 34та гол урди ва 19та голли пас оширди.