"Барселона" собиқ футболчиси "Динамо" билан шартнома имзолаганди, бироқ унинг ўрнига эгизаги ўйнаб келаётгани фош бўлди

Бухарестнинг "Динамо" клуби февраль ойида Эдгар Иэ билан шартнома имзолади, уч ойдан сўнг эса унинг ўрнига эгизаги Эделино эканлигини маълум бўлди.

Шубҳали жараён журналист Даниэль Сендре томонидан аниқланди, у Эдгар Иенинг инглиз тилини яхши билмаслиги ҳамда Испания, Франция, Туркия ва Нидерландияда ўйнаганига қарамай, фақат португал тилида гаплашишидан ҳайратда қолганини маълум қилди.

Ҳозирда бешта ўйинда майдонга тушган футболчининг иши текширилмоқда. Агар қоидабузарлик ҳолати тасдиқланса, Руминия клуби 5 ўйинда жамғарган 8 очкосидан маҳрум бўлиши мумкин.