"Барселона" Ракитични рақобатчи клуб сафига қўйиб юбормоқчи эмас
07 дек 2019 15:15
Новости

"Барселона" Ракитични рақобатчи клуб сафига қўйиб юбормоқчи эмас

"Барселона" ярим ҳимоячиси Иван Ракитичнинг "Атлетико"га ўтиш эҳтимоли кам.

31 ёшли хавбек жорий мавсум "Барселона"нинг асосий таркибдаги ўрнини йўқотиб қўйди ва ўйин амалиётига эга бўлиш мақсадида бошқа клубга кетишни хоҳлаётгани айтилди.

Аммо, хорватиялик футболчи "кўк-анорранглилар"нинг сўнгги иккита ўйини, яъни "Боруссия" (3:1) ва "Атлетико" (1:0)га қарши ўйинларда асосий таркибда тушди. Бунгача Ракитичга Мадриднинг "Атлетико" клуби жиддий қизиқаётган эди.

"Барселона" футболчининг трансфери бўйича расмий таклиф олмади. Аммо, Каталония клуби уни тўғридан-тўғри рақобатчи клуб сафига трансфер қилишга қарши.

Олдинроқ, Ракитичга "Манчестер Юнайтед" ва "Интер" клублари қизиқаётганлиги хабар қилинган эди.

Ссылка :

Источник : mundodeportivo.com

Получайте новости прямо в Telegram!

Рейтинг: +2