"Барселона" футболчисининг уйи ўмарилди

"Барселона" ҳимоячиси Жюль Кунде ўтган шанба куни жамоага "Бетис"ни мағлуб этишга ёрдам берди. Унинг уйи эса ўша пайтда тўнаб кетилди, деб хабар берди "Mundo Deportivo". 

Бу "кўк-анорранглилар" футболчиси билан боғлиқ жорий мавсумдаги иккинчи шундай ҳолат. Пьер-Эмерик Обамеянг август ойи охирида "Челси"га ўтаётган вақтда ҳам бундай ҳолат рўй берганди. Боз устига, воқеа вақтида габонликнинг жағи синган.

"Барселона" футболчисининг уйини ўғирлаш сўнгги йилларда тез-тез учраб турадиган ҳодисага айланган. Бунгача Ансу Фати, Самуэль Умтити, Жорди Альба, Луис Суарес, Артур Мело, Филиппе Коутиньо ва Кевин-Принс Боатенг жабр чеккан эди.