"Барселона" Коутиньо ва Гризманни сақлаб қолишга қарор қилди

Манбанинг хабарига кўра, шахсан Рональд Куман Гризманн ва Коутиньони клубдан кетишини истамайди. Ушбу футболчилар бошқа жамоалардан яхши таклиф тушган тақдирдагина клубни тарк этиши мумкин.

Шу билан бирга, "Барселона" янги футболчиларни рўйхатдан ўтказиш ва клубнинг асосий юлдузи аргентиналик Лионель Месси билан шартномани узайтириши учун баъзи футболчиларини сотишига тўғри келади.